النهاردة هقولكم طريقة الملوخية المصرية المية مية
تجيبى يا ستى كيلو ملوخيه وتقطفيه وتغسليه وتصفيه
ويكون عندك شورة فراخ او لحمة حوالى نص لتر او لتر الا ربع
وبعدين تحطى الشوربة تغلى على النار
واول ما تغلى تحطى الملوخيه المخروطة فيها وتقلبى الملوخية علشان تفك
واول ما الملوخيه تغلى تنزليها من على النار
وتحطى على النار طاسة فيها زيت او سمن واول ما يسخن الزيت تحطى الثوم المدقوق
واول ما يدخل على الاصفرار تحطى الكزبرة الناشفة المطحونة
واول ما يبقى لونه دهبى تطشيه على الملوخيه
وتغطى الحلة تانى
طبعا الملح حاجة تخصك على حسب الرغبة ولو هتحطى ماجى راعى الملح
موضوع: الملوخية على الطريقة المصرية 
السبت مايو 02, 2009 12:27 am
